សន្និសីទ និងពិព័រណ៍វិស័យទឹកស្អាតអន្តរជាតិនៅកម្ពុជា នាំយកបច្ចេកវិទ្យាទឹកស្អាត និងជំរុញភាពជាដៃគូដើម្បីគោលដៅ “ទឹកស្អាតសម្រាប់ទាំងអស់គ្នា”

រាជធានីភ្នំពេញ ថ្ងៃទី១៤ ខែតុលា ឆ្នាំ២០២៥ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ សហការជាមួយសមាគមអ្នកផ្គត់ផ្គង់ទឹកស្អាតកម្ពុជា និងក្រុមហ៊ុនរៀបចំពិព័រណ៍អន្តរជាតិ Informa Markets បានបើក “សន្និសីទ និងពិព័រណ៍វិស័យទឹកស្អាតអន្តរជាតិលំដាប់លេខ១ នៅកម្ពុជា ” ពីថ្ងៃទី១៤-១៦ ខែតុលា ឆ្នាំ២០២៥ នៅសាលពិព័រណ៍ និងសន្និបាតកោះពេជ្រ ដោយប្រមូលផ្តុំភាគីពាក់ព័ន្ធក្នុងវិស័យទឹកស្អាត ដើម្បីជំរុញការអភិវឌ្ឍវិស័យនេះប្រកបដោយចីរភាព និងបរិយាបន្ន។ ឯកឧត្តមរដ្ឋមន្ត្រី ហែម វណ្ណឌី បានលើកឡើងថា ព្រឹត្តិការណ៍នេះបង្ហាញពីការប្តេជ្ញាចិត្តរួមរបស់កម្ពុជាក្នុងការសម្រេចគោលដៅអភិវឌ្ឍន៍ប្រកបដោយចីរភាព ៦.១ ដែលកំណត់ថា ទាំងអស់គ្នាត្រូវទទួលបានទឹកស្អាតប្រើប្រាស់ត្រឹមឆ្នាំ២០៣០។

ស្តេន QR Code ដើម្បីទាញយកឯកសារអំពីសន្និសីទ និងពិព័រណ៍